solo tienes que charrar...

ta que te sienta.

                                                                                          Sagardiana

Comments

Maitín furtau a retepelo.

Sonata de binagre.

Quera que s'ha metíu

n'a fosca guambra

d'iste casal sin d'asperanza.

Nuei escura y batalera

d'as bentanas sin mirada.

Nana de cal biba.

Albada con piez d'arena.

Enruena.

                          ...........................                          

   (En o termino de Nozito, camín de Lasaosa...unatra pardina escachada)

                                                                                             Sagardiana

Comments

Aspero que toz faiga goyo lo bideo... 

Son muitas oras por a laberca, muitas oras con as aus que andan por iste puesto.

A berdá que ye un terreno prou pincho, a pocos menutos de Uesca ziudá.

                                                                                         Sagardiana 

Comments

José Rodrigo estió d'ixa traza d'ombres que dexan siñal en uno.Yo nunca no en podré dezirlene adiós. Por ixo que,

ta luego Pepe, ta luego!

Ta cutio con nusotros, amigo

                                                                                              Sagardiana

Comments

De maitíns ye royo l'aire n'o cobalto d'os altarios puertos

y o meyodía torna cada día en azulenco

o zielo acarrazadero de Guara.

Marchan os autos y os menutos d'o sieglo bente y uno

asinas mesmo a teña, uno dezaga de l'atro.

Os chinepros de Mallata en o lugar de Lezina

s'enredan con as sabinas d'os nuestros debampasatos.

Y enta puerto marchan os suenios d'os pardos d'Arpán

adormitos en iste amprato ta cutio.

.........

De "Pardos d'Arpán"

O manantial de Sietemo, 2003

                                                                                          Sagardiana

Comments

Bolaco que en portas l'anima entalto.

Enta os fenals y os praus, por as tucas grisas

por a soledá d'os puertos;

d'os míos güellos ranca la luz zaguera.

Y con o tuyo bolito 

endreza por l'aire d'a tierra

a mía bida benidera,

o mío nuebo camín. 

.........

Si en hay un au, predileuta ta yo, ixa ye o bolaco.

Cuan yes por as tierras altas, a suya boz crebán lo silenzio, ye machica. No en hay soníu tan clatero como ixe.

Y si son callaus...l'aire charra por éls, cuan chufla fosco por as suyas plumas alars.

Ye cuasi que una canta a ra libertá. Cuasi.

Cuan siga grán...quiero estar bolaco.

                                                                                         Sagardiana

Comments

Ixe ye una chen prou fuerte; si s'en muere, todo morirá.

Ixa  ye atra chen fuerte.

Ista augua d'o puchero chila!

Baz sentir? Iste ombre beye chen por toz os puestos!!!

Sí,  en ye biba cómo ixa atra augua.

L'augua ye biba.

Bai qué ombre!!!

O sea, que todo ye bibo... ¿ ?

E iste fuego también ye bibo, eh?

Sí, o fuego ye chen

y o biento tambien ye chen.

Si o fuego chila furo, axorronta!

Si l'augua chila fura, axorronta!

Si o biento chila furo, axorronta!

Sí, l'augua

o fuego

o biento

son chen prou fuerte.

 ..................

 "Dersu Uzala"  de Akira Kurosawa

                                                                                         Sagardiana

Comments

   Arnaleros por a laberca de Loreto, estibo 2009 

                                                                                                            Sagardiana

Comments

An parará l'au que astí miraba

a traza de bolar.

Bolar, marchar, tornar...?

Será parán a tornada?

L'arnalero aquel, an parará?

                                                                                   Sagardiana

Comments

Imos pasau milenas de penalidaz y pestes.

Barallán por os sieglos de los sieglos.

Con  mans espiazatas por a luita,

 y l'ánima crebata, marchamos.

Pero de contino l'asperanza

a bombollas bulle

por a sangre.

                                                                                Sagardiana

Comments

En tiene d'a luz, d'o poder d'imachinar

mundos millors, reyalidaz.

En tiene d'a certeza d'a fenitú

d'o esclatero d'a carne;

en tiene gusto a tierra.

En tiene a balura de resistir

y o proposito de no reblar.

En tiene o poder de refirmar

con a memoria,

as retes de l'esdebenidero.

                                                                     Sagardiana

Comments

"Nadie le teme a la fiera,

que la fiera ya murió

que al revolver de una esquina

un valiente la mató"

                         Y a ista fiera d'a desigualdá, quí la mata?

Comments

Toz os ninos y ninas tienen dreito a l'educazión. 

Belgunos, meten a bida en periglo por ir ta escuela.

Semos iguals?

No sé, no sé...

Pero sí que sé que, n'a escuela, s'aprenden muitas cosas. Cosas prou de importantes, como l'amistanza.

M'en recuerdo d'una falordieta que un mayestro nos contaba sobre un zorz y un alifante.

L'alifante yera muito solitario y una tardi s'alcontró un zorz en o suyo camín.

Dende primer inte, fizón buenas migas. 

L'alifante en teneba prou claro ixo d'amistanza. Pero lo zorz, teneba a mosca dezaga d'a orella. Cómo podeban ser amigos dos bichos tan poco paizidos?  - Semos iguals, l'en deziba l'alifante a lo zorz.

- No en bes que semos iguals? Amanezemos, miramos de minchar, nos itamos buenas siestas por as mosqueras, nos fan goyo as radizes tiernas, ...

L'alifante y lo zorz marchón chuntez por a sabana, muitas lunas. Y muitas nueis demanón ripas de deseyos, cuan as estrelas s'espeñaban por aquer zielo amplo d'Africa.

Pretó la calor y a sequera de l'estibo, la puenda en que l'augua falta por aquers paísos, y ya sólo que un charco de buro en quedaba.

 Asinas que plegó l'ora en que teneban que desepararsen, por que l'alifante prezisaba muita, muita d'augua.

Yeran prou de tristos, por que ya s'en eban alcostumbrau l'uno a l'atro.

En l'inte de dezirsen adiós, l'alifante s'en miró de bislai a lo zorz y paró n'a cuenta de que o suyo amigo iba a pretar a plorar.

S'acachó todo lo que pudo y l'en dizió - as tuyas glarimetas...tienen gusto a sal?

Lo zorz sintió aquera sabor; a sabor a sal d'as glarimas.   

Y asinas fué como lo zorz replecó aqueras parolas que o suyo amigo l'alifante no eba parau de dezirlene, día par d'atro, "semos iguals".

                                                                                             Sagardiana

Comments

En tiempos de brioletas

con zillos que de plebias

premabera encara, cosa nunzian...

as rosas ya se aparan

coloradas, dentre as fuellas

que rechitan y as biellas punchas.

                                                                                            Sagardiana

Comments

 

A paso menudo

y güellos pasachers,

por as margenes de l'augua;

como as aus d'a laberca, si podiese

sin d'endreza ni siñals,

marchar... 

                                                                                             Sagardiana

Comments

Lhasa de Sela, In Memorian

Big Indian, 27 de septiembre 1972 - Montreal, 1 de enero 2010

Comments

... sólo que andar

y bier

todo  lo más que'n podamos.

(Adeducau ta la mía mai, que güé por primer bez, ye estata n'o  dolmen de Ibirque, a tierra d'o suyo güelo)

                                                                                             Sagardiana 

Comments

"Gran Profeta" 1933

Pablo Gargallo Catalán

En o suyo 129 cabo d'año, ta cutio con nusotros

y con as boz d'o Matarraña.

                                                                                       Sagardiana

Comments

Nos dejón

al amparo d'o baibén

d'a escureldá.

Y a luz no yera tan de luén

como els deziban.

 Esluzernaba astí, en o cobaxo;

engarcholata.

                                                                                        Sagardiana

Comments

Para o colchón n'a doliquera

que s'amana l'ibierno

con a color pardisca  d'o fenojo sumanzio

y as matetas sin flor d'os tremonzillos.

Con murria marchan as sayetas

que escarnan terne as fruitas pansas.

A tajo parejo, por as roderas luego

as uñas d'a rosada,  ferán d'as suyas.

Ni un sacre de calor, ni una pañolada

podrás sacar al raso

cuan s'enlamine con o chelo

chinero inamorau.

D'o treballo "A escondeducas en l'alcoba". L'escarrón ye retratau en Sallent de Galligo                                                                               

                                                                                            Sagardiana

Comments