Setiembre y bolito de bolandrina
Ya no i son os bolitos
que parán astí,
a bolandrina, amoniquer, texeba.
As oras, con l'anima libre
dende a premabera,
pasón con l'estíu.
Y tu boz sonaba en l'aire...
Ixambre de paxarelas mutas.
Luén, luén de yo,
yeras.
Luen, y tan a mán...
Tan a mán, como o brillo d'as alas
y a tardi,
y a ulor de setiembre que torna con tú...
Asinas, d'entre bolitos breus,
amanezebas.
O mío pulso marchaba
con o bolito escapau;
igual que l'angruzia de biyer-te.
Igual que as bolandrinas...
esnabesé o disierto.
Ixe disierto qué,
ya no ye cosa,
agora qué se chupen as fuellas
d'a yerba en puerto.
A bolandrina y tu
tan de luén...
y tan a mán.
Sagardiana
Aragoneame
del.icio.us
Carmina Paraíso Santolaria, naxita al canto d'istas sierras. Crexié sintiendo ixas palabras que se'n ban marcha´n con a chen. A chen que'n marcha, cara bestene tu a saber qué atro lugar. Y o malo ye que, as palabras marchan dezaga d'a chen. Por ixo, dende istas pachinas, faré toz o que pueda ta que no reble a tierra mía, nunca no pas. Ni tampoco no los suyos bocables, ferius de muerte. "Ya se'n fué t'as tres pedretas" diz por istos lugars d'a sierra, cuan un ombre s'ha muerto. A Caseta d'as broxas ( "Dolmen, megalito, monumento funerario del Neolítico), ye l'ojeto, a reyalidá d'as tres pedretas...y allí en Ibirque luze bien pincho y zereño. A tierra d'os debampasaus, ye a nuestra tierra de agora, n'o sieglo XXI. As palabras bibas, d'ista luenga milenaria, feita de muitas luengas diferens, amuntonadas unas denzima d'as atras...no puede dixaparezer. Imos a fer un poquer de país. Por nusotros, por os que plegarán y por os que sen fuón.
«As andorinhas não param/ Umas voltam, outras não»
Zeca Afonso: Cantigas do maio.
http://www.youtube.com/watch?v=s3JiWHvaua4
Assim é a vida!
Gregorovius | 04-09-2009 - 23:07:51 GMT 1 #
¡Ola!
Plego de trobar iste blog y he de dezir que me fa asabelo goyo a miqueta qu'en he leyiu. Ixe mezclallo de fotos de muxonetz con poesía ye prou curiosa.
Continaré leyendo-te de cabo ta cuan!
Esprisións. Alberto.
http://www.fendohuellos.blogspot.com
Alberto | 08-09-2009 - 22:16:32 GMT 1 #