sagardiana

"Regardez le ciel. Demandez-vous:

Le mouton oui ou non a-t-il mangé la fleur?

Et vous verrez comme tout change...

Et aucune grande perssone ne comprendra jamais que ça a tellement d'importance!

"Le Petit Prince" Antoine de Saint-Exupéry

                                                                                Sagardiana

 Pardo l'orache, boiras grisencas.

Fridor aimada,

primera nieu.

 Bas plegar

enta iste puesto d'aügua,

que, ta tu, parada 

reza:

"Amo ibierno,

 toma de l'agüerro

a tuya pertenenzia".

                                                                                   Sagardiana

Ta la fuén que, xuta,

s'enlamina con o zillo

que promete plebia, 

o gurrión

de ziudá y de canalera,

s'amana.

Y a paloma...

que rechira también augua 

por carreras abitadas.

                                                                                  sagardiana

Que as penas marchen

asinas,

como as aus...

y dexen o puesto, 

n'as matas,

a un ibierno

d'asperanza.

                                                                    Sagardiana

Plega l'escureldá,

Psique cosira

os suenios, l'esmo.

Y a cadaguno, un presén,

a luna  i dona.

En o terreno d'a nuei...

                                                           Sagardiana

 Aurín n'as fuellas,

ulor d'agüerro

que l'augua en porta,

bal t'abaxo

y en as yerbas xutas,

s'apedeca.

Aurín, n'as nanas

d'a chunguera

y n'os lulos royos

d'a gabardera.

Aurín qué,

setiembre adora,

por os suelos

a simiente acuna.

A boz d'a plata,

d'aimors con l'estíu,

cariños en a balsa,

plora.

Plega l'agërro

y o frío plega.

Plega la mansa

y toba

siñal que,

a puenda que se abiene,

nueis de zierzo

y plebias, nunzia.

                                                                                Sagardiana

Se'n fican n'os arbols,

y n'as matas...acucután,

fito, fito

y de bislay.

A lo moscón y con tiento

poquer a poquer se fían.

De cabo cuán amanezen

n'os camals por un inte,

te se miran...

 Alparzeros albarderos

que por a laberca crían,

mosquiteros que a la tardi

dende a mosquera, cosiran.

                                                                               Sagardiana

Ya no i son os bolitos

que parán astí,

a bolandrina, amoniquer, texeba.

As oras, con l'anima libre

dende a premabera,

pasón con l'estíu.

Y tu boz sonaba en l'aire...

Ixambre de paxarelas mutas.

Luén, luén de yo,

yeras.

Luen, y tan a mán...

Tan a mán, como o brillo d'as alas

y a tardi,

y a ulor de setiembre que torna con tú...

Asinas, d'entre bolitos breus,

amanezebas.

O mío pulso marchaba

con o bolito escapau;

igual que l'angruzia de biyer-te.

Igual que as bolandrinas...

esnabesé o disierto.

Ixe disierto qué,

ya no ye cosa,

agora qué se chupen as fuellas

d'a yerba en puerto.

A bolandrina y tu

tan de luén...

y tan a mán.

                                                                            Sagardiana

N'as alas, as birabolas

en portan güellos...

Güellos ta que ne beigas

u solo que por que sí...

D'astí, t'allá...bolán y bolán.

Dende os tiempos d'antismás

"Güellos de sangre" dondía por astí

con o suyo bolito de papel.

Por a selba, n'os barrancos,

en os sasos...

 as colors de l'estíu

en as alas brillan.

Con istos güellos míos,

beigo como en marchan...

os días d'e Chulio y Agosto...

con as birabolas 

de l'Alto Aragón.

                                                                          Sagardiana

Y  Dalí.

 Dende a finestra

que a rete

ubre ta la chen que

igual como yo

refitolea...

Salú!

                                                                           Sagardiana