Ta la fuén s'amanan
Ta la fuén que, xuta,
s'enlamina con o zillo
que promete plebia,
o gurrión
de ziudá y de canalera,
s'amana.
Y a paloma...
que rechira también augua
por carreras abitadas.
sagardiana
Categoría: Bichos
30/10/2009 GMT 1
Aragoneame
del.icio.us26/10/2009 GMT 1
Alicacho de laberca
En pocos días,
por Loreto,
se calzará las colores royas
l'alicacho de laberca.
Sagardiana
18/10/2009 GMT 1
Que as penas marchen
Que as penas marchen
asinas,
como as aus...
y dexen o puesto,
n'as matas,
a un ibierno
d'asperanza.
Sagardiana
09/10/2009 GMT 1
Muchuelos
Plega l'escureldá,
Psique cosira
os suenios, l'esmo.
Y a cadaguno, un presén,
a luna i dona.
En o terreno d'a nuei...
Sagardiana
03/10/2009 GMT 1
Selba d'agüerro en Chistau
Grazias por a correuzión, Rafel
pero, ta yo que...Chistau no en porta, de tochez, denguno.
(creigo, eh)
Sagardiana
30/09/2009 GMT 1
Birabola de Santa Elena
En Santa Elena, iste meyodía
con o sol que paizeba de l'estíu
e ista birabola d'a Bal de Tena.
Sagardiana
17/09/2009 GMT 1
Plega l'agüerro, con a zaguera luz de setiembre
Aurín n'as fuellas,
ulor d'agüerro
que l'augua en porta,
bal t'abaxo
y en as yerbas xutas,
s'apedeca.
Aurín, n'as nanas
d'a chunguera
y n'os lulos royos
d'a gabardera.
Aurín qué,
setiembre adora,
por os suelos
a simiente acuna.
A boz d'a plata,
d'aimors con l'estíu,
cariños en a balsa,
plora.
Plega l'agërro
y o frío plega.
Plega la mansa
y toba
siñal que,
a puenda que se abiene,
nueis de zierzo
y plebias, nunzia.
Sagardiana
11/09/2009 GMT 1
Paxarez acucután
Se'n fican n'os arbols,
y n'as matas...acucután,
fito, fito
y de bislay.
A lo moscón y con tiento
poquer a poquer se fían.
De cabo cuán amanezen
n'os camals por un inte,
te se miran...
Alparzeros albarderos
que por a laberca crían,
mosquiteros que a la tardi
dende a mosquera, cosiran.
Sagardiana
03/09/2009 GMT 1
Setiembre y bolito de bolandrina
Ya no i son os bolitos
que parán astí,
a bolandrina, amoniquer, texeba.
As oras, con l'anima libre
dende a premabera,
pasón con l'estíu.
Y tu boz sonaba en l'aire...
Ixambre de paxarelas mutas.
Luén, luén de yo,
yeras.
Luen, y tan a mán...
Tan a mán, como o brillo d'as alas
y a tardi,
y a ulor de setiembre que torna con tú...
Asinas, d'entre bolitos breus,
amanezebas.
O mío pulso marchaba
con o bolito escapau;
igual que l'angruzia de biyer-te.
Igual que as bolandrinas...
esnabesé o disierto.
Ixe disierto qué,
ya no ye cosa,
agora qué se chupen as fuellas
d'a yerba en puerto.
A bolandrina y tu
tan de luén...
y tan a mán.
Sagardiana
28/08/2009 GMT 1
Si toz cuaca d'ascuitar os paxaros...
Cuan yes en o campo,
muitos paxaros son con tu
y no sapes an son,
u quí en son.
Iste bideo, t'amuestra bellas boz de bels paxaros.
Sagardiana
Carmina Paraíso Santolaria, naxita al canto d'istas sierras. Crexié sintiendo ixas palabras que se'n ban marcha´n con a chen. A chen que'n marcha, cara bestene tu a saber qué atro lugar. Y o malo ye que, as palabras marchan dezaga d'a chen. Por ixo, dende istas pachinas, faré toz o que pueda ta que no reble a tierra mía, nunca no pas. Ni tampoco no los suyos bocables, ferius de muerte. "Ya se'n fué t'as tres pedretas" diz por istos lugars d'a sierra, cuan un ombre s'ha muerto. A Caseta d'as broxas ( "Dolmen, megalito, monumento funerario del Neolítico), ye l'ojeto, a reyalidá d'as tres pedretas...y allí en Ibirque luze bien pincho y zereño. A tierra d'os debampasaus, ye a nuestra tierra de agora, n'o sieglo XXI. As palabras bibas, d'ista luenga milenaria, feita de muitas luengas diferens, amuntonadas unas denzima d'as atras...no puede dixaparezer. Imos a fer un poquer de país. Por nusotros, por os que plegarán y por os que sen fuón.