No ye de piedra…
No ye feito por un fustero…
Tampoco no s’ha meso n’un bardizal…
Sólo que ye
o can d’un faraón d’ixos, qué
ta estarse bien acompañáu n’a fuesa
l’en sacó l’o crapazín …
e se l’en portó ent’a l’atro mundo,
ta ixe que marchan os grans furtaires.
E iste cuento, por a chaminera s’ha escapáu?
Pues ba estar que no, qué
en istos tiempos, o imperio d’os diners
fa momias toz os días…en o reino d’s bibos.
A la fin…as cosas no ban cambear.
Sagardiana
Güé m’alcuerdo de Bopal, m’alcuerdo de Chernobil, m’alcuerdo d’as selbas d’America feitas fogarita, m’alcuerdo d’os ninos e d’as ninas soldau, m’alcuerdo…
Güé m’alcuerdo de Bopal, m’alcuerdo…
Güé ya no i son belgunos d’os que ayere treballaban en as maldadas casas de tintura u en os maldaus tellaus d’as casas, u en as calderas e furnos….
Sagardiana
Si puez escapar d’o mundanal rudio, noragüena.
(Encara qué, solo que siga, prexinando)
Sagardiana
Por esfender os Fueros e Oserbanzias.
Por dexigir as Libertaz e os Dreitos.
Por enfrontinar-se con a Inquisizión.
Por chilar con os aragoneses: «Contrafuero e biba ra Libertá! «.
Chuan de Lanuza V, Chustizia Mayor d’o Reino de Aragón,
fuó decapitáu
en a Plaza d’o Mercáu de Zaragoza
o maitín d’o 20 d’abiento de 1591,
por orden d’o Rei de Castilla Felipe II.
E a suya capeza, de muestra al raso,
estió cuatro añadas…
ta escarmiento cheneral.
Nunca no pás sublidare-mos ni a suya presona
ni o suyo nombre
ni o suyo quefer.
Sagardiana
– A qué cosa que aturas?
N’on beyes que n’hai tronada?
No podemos bolar n’istas malas boiras!
– Dexa que m’en quede alufrán
de que son feitas
ixas zendellas que m’ espantan.
– E si a berdá t’aconorta?
– Allora habré de marchar t’adebán
sin miedo a o miedo.
Sagardiana
…o fuego d’os suenios
no crema.
Sagardiana
Co-cu, canta ra granota
Co-cu, n’a poza esmediada.
Co-cu n’iste estibo furo
solo quiero que a mosica
de l’augua.
Sagardiana
Sagardiana
sagardiana 